आखिरकार इन्तजारक घडी ख़तम भेल, मंगल दिन बहुत दिन स प्रतीक्षारत पाटलिपुत्र स्टेशन लग बनल बेली रोड रेल ओवेरब्रिजक उद्घाटन भए गेल। एही अवसर माननीय मुख्यमंत्री ओतोका यातायातक भीड़क देखैत कोनो सार्वजानिक भाषण नै देलक आ फटाफट स एकर उद्घाटन कए देलैथ। मुख्यमंत्री जी एही मौका पर खाली एतबे कहलैथ जे एक समय म जखन ई पुल नै बनल छल दानापुर मोड़ स लए के डाक बंगला तक बड़ भयंकर जाम लगैत छल मुदा आब ई समस्या नै रहत, एही पुलक निर्माण स हमरा बड़ संतोष भेटल अछि। एही कर्यक्रमक अध्यक्षता सड़क निर्माण मंत्री श्री नन्द किशोर यादव जी केलखिन।
एही पुलक निर्माणक संग पटना कुनू भी राज्यक राजधानी में सबसे अधिकतम रेल ओवेरब्रिज बला राजधानी बनी गेल अछि। एता आब कुल ९ टा रेल ओवेरब्रिज अछि जाही में दू टा पुरनका रेल ओवेरब्रिज सेहो शामिल अछि।
ईसीआर अधिकारीक अनुसार एही पुल पटनाक जनता लेल बहुत आराम कए काज करत, एही पुलक निर्माणक बाद जाम स त छुटकारा भेटबे करत संगे वास्तु सोंदर्य के एकटा बेजोड़ नमूना सेहो देखबाक लेल भेटत। एही पुलक निर्माण म ८० करोड़ टका लागल छल। एकर निर्माण म गुणवत्ताक ध्यान त राखले गेल छल संगे एही म वास्तु आ कला का अद्भुत दृश्य सेहो देखबाक भेटत, पुलक रौशनी आ चिकना सड़क के देखैतो मुख्यमंत्री एकरा आर नीक बनाबै के दिशा निर्देश देलक अछि।
एकटा बात त आब साफ़ लागय अछि जे पटनाक लोगक आब जामक मुह नै देखय लए पड़त आ संगे संगे पटना में भी ओ आन मेट्रो शहर बला नज़ारा लए सकत।
कोई टिप्पणी नहीं:
एक टिप्पणी भेजें
अपन मोनक भावना के एते राखु