भ्रस्टाचारी क करू बेनकाब, भेटत इनाम

भ्रस्टाचार खत्म करबाक लेल एकटा आर मुहीम आनालखिन अछि बिहारक सुशासन बाबु, आब बिहार में भ्रस्टाचारीक खिलाफ सुचना दै बलाक ग्यारह हज़ार स पचास हज़ार टका दै क घोषणा केलथि अछि।
मंगल दिन उपमुख्यमंत्री जी एही बातक घोषणा केलक जे भ्रस्टाचार के खिलाफ आवाज उठाबै बलाक मुख्यमंत्री अवार्ड देत। अवार्ड में ग्यारह हज़ार स पचास हज़ार क राशी आ एकटा प्रशस्ति पत्र होएत।
राज्य सरकार इहो बातक घोषणा केलक जे राज्यक विजिलेंस आ ख़ुफ़िया विभागक लोग क भी भ्रस्टाचार के खिलाफ आवाज उठाबै क लेल इनाम देल जाएत। एही बातक जानकारी दैत माननीय उपमुख्यमंत्री बतेलखिन जे पिछला साढ़े पञ्च साल म ८७ टा मामला में आय स अधिक सम्पति रखबाक लेल मुकदमा दर्ज करलक अछि। संगे पञ्च टा केस में सतर्कता विभाग सम्पति जब्त करय क घोषणा क देलक अछि। मोदी जी बतेलखिन जे भ्रस्टाचार ख़त्म करबाक लेल हरेक सरकारी विभाग म एकटा सतर्कता अधिकारीक नियुक्ति हाएत।
जहाँ एक ठाम अन्नाक जोरदार अनशनक बावजूद भी सरकारक कान पर जूं नै रेंग रहल अछि ओही ठाम बिहार सरकारक भ्रस्टाचार के खिलाफ एहन मुहतोड़ जवाब काबिलेतारीफ अछि। ज्ञात होय जे मुख्यमंत्री बिहार में लोकपाल बिल क पहिने सहमती द देलक अछि आ घोषण केलथि जे बिहारक मुख्यमंत्री सेहो लोकपाल क दायरा म रहत।