मुजफ्फरपुर में द्वारका सिटी सेंटर में एस टी मार्केटिंग प्राइवेट लिमिटेड १,८५,००० वर्ग मीटर में मॉल बनायत जे अपना आप में संपूर्ण सुविधा से सुसज्जित मॉल रहत। मुजफ्फरपुर शहर में एन.एच -२८ से मात्र ३०० मीटर के दुरी पर बनय बला ई मॉल शहर के हरेक छोर के आदमीक लेल आसानी से पहुँचय बला हाएत। एही मॉल के निर्माण जून २०११ से शुरू भए गेल ये।१,८५,००० वर्ग मीटर में बनय बला ई मॉल आठ मंजिला रहत जाही में निचलका मंजील आ ऊपर के दू मंजिल खुदरा सामान के लेल रहत, तेसर मंजिल भोजन आ मनोरजन के लेल रहत आ चौथम आ पाँचम मंजिल तीन टा स्क्रीन बला मल्टीप्लेक्स के लेल रहत। एकर संग मॉल में ४७,००० वर्ग मीटर के पार्किंग बेसमेंट के दू टा मंजिल आ २५,००० वर्ग मीटर के अलग से बाहर में पार्किंग के व्यवस्था रहत।
एस.टी. मार्केटिंग प्राइवेट लिमिटेड के डाइरेक्टर शास्वत कुमारक अनुसार " हमरा विश्वास अछि जे मुजफ्फरपुर आ बिहार लोग एता विश्वस्तरीय शॉपिंग के मज़ा लए सकत। ओ कहलखिन द्वारका सिटी सेंटर एतोका लोग के संपूर्ण मनोरंजन, खाद्य पेय, आ खरीदारी के लेल अपना आप में एकटा सम्पूर्ण जगह बनत"।
एही मॉल के निर्माण मुख्या रूप से परिवारक मस्ती आ मनोरंजन के लेल ते बनबे करत संगे एतोका स्थानीय लोग के लेल रोजगार के अवसर सेहो आनत। सबसे बड़का गप जे एही मॉल के कमाई के पाँच प्रतिशत राशी गरीब आ कमजोर तबका के लोग के बेटी के पढाई में लागायल जाएत।
कोई टिप्पणी नहीं:
एक टिप्पणी भेजें
अपन मोनक भावना के एते राखु