निवेशक पहिल पसंद बनल दरभंगा...

बिहार सरकारक नबका ओधोगिक निति से उत्साहित निवेशक सबहक रुझान दरभंगा दिस बेसी बढ़ल अछि। प्रकृति के देन कहियो आ की दरभंगाक लोगक नसीब एतोका भोगोलिक संरचना एहन ये की ई पूंजीपति आ उधोगपति एकरा दिस बेसी आकर्षित होए ये। पहिल तs दरभंगाक लोग ये मेहनती दोसर एतोका भाषा बड़ मीठ अछि याह कारण ये की सभटा पूंजीपति एता निवेश के लेल बेसी ध्यान दए ये। दरभंगाक बाज़ार आ यातायात के साधन सभटा उधोग के लेल उपयुक्त ये दोसर जल्दहीं एता हवाई सेवा सेहो शुरू होए के सम्भावना अछि जाही से निवेशक एता बेसी ध्यान दए रहल अछि।
ओना ते छोट-छोट निवेशक के कमी नै ये मुदा मुख्य रूप से निम्नलिखित कम्पनी एता अपन निवेश के लेल बिहार सरकार लग प्रस्तावना देलक ये...

१) ऑकपेट बाइसाइकिल्स दरभंगा में साइकिल एसेम्बलिंग के कारखाना खोलत जे चीन से कल-पुर्जा मंगाय के एता साइकिल के एसेम्बलिंग करत।
२) दुर्गा एगोनोमी प्राइवेट लिमिटेड दरभंगा के डोनर इंडस्ट्रीयल एस्टेट में आठ मीटर प्रति घंटा के क्षमता के चावल मील आ दू सौ मीटर क्षमता के गौदाम खोलत।
३) मेसर्स कुमार इंडस्ट्रीज दरभंगा के बेला इंडस्ट्रीज एस्टेट में १५० मीटर प्रति वर्ष के क्षमता के हिसाब से नूडल उत्पादन के कारखाना खोलत।
४) किसान फ़ूड प्रोसेसिंग उधोग बेला के न्यू इंडस्ट्रीज में २ मीटर प्रति घंटा के क्षमता के आधुनिक चावल मील, एक मीटर प्रति घंटा के क्षमता के राईस फ्लेक्स आ ०.५ मीटर टन प्रति घंटा के क्षमता के कॉर्न फ्लेक्स के कारखाना खोलत।
५)  एक्वा हनी इंडस्ट्रीज डोनर इंडस्ट्रीयल एस्टेट दरभंगा में ७२ लाख लीटर प्रति दिनक क्षमता के बोतलबंद पानी के एकटा इकाई खोलत।
६) मेसर्स रंजन प्रोडक्ट डोनर इंडस्ट्रीयल एस्टेट दरभंगा में ७२ मीटर प्रति वर्ष के क्षमता के मसाला निर्माण आ १२० मीटर प्रति वर्ष के क्षमता के बेसन आ सत्तू निर्माण के इकाई खोलत।
७) मेसर्स सौम्या इंडस्ट्रीज ४५ लाख लीटर प्रति वर्ष के क्षमता के डिब्बाबंद पानि के कारखाना खोलत।
८) मेसर्स रीगा सुगर मील नयागांव में २५०० से ५००० टी.सी.डी. क्षमता के चीनी मिल आ 15 मेगावाट के सह बिजली उत्पादन केंद्र खोलत।
९) मेसर्स मदीना एजुकेशनल वेलफेयर ट्रस्ट दरभंगा में इंजिनियरींग कॉलेज खोलत।
१०) अशोक केट्टल एंड पोल्ट्री फीड प्राईवेट लिमिटेड बेला के न्यू इंडस्ट्रीज एस्टेट में ९६०० एम्.टी प्रति वर्ष के केपिसिटी के केट्टल आ पोल्ट्री फीड के इकाई खोलत।
११) मेसर्स एस.वी.जे. इंटरप्राईज़ेज डोनर इंडस्ट्रीयल एस्टेट दरभंगा में एक एम्.टी. प्रतिदिन के क्षमता के शहद उत्पादन केंद्र खोलत।
१२) मेसर्स साईं सचिदानंद एग्रोटेक प्राईवेट लिमिटेड खेरा में तीन एम्.टी. प्रतिदिन के क्षमता के चावल मील खोलत।
१३) मेसर्स माँ श्यामा राईस मील बेला के न्यू इंडस्ट्रीज एस्टेट में एक एम्.टी. प्रतिदिन के क्षमता के चावल मील खोलत

दरभंगा आ बिहार के लेल ई गौरव के बात अछि की जे राज्य किछु साल पहिने तक उधोगपति आ पूंजीपति के बाट तकैत रहे ओही राज्य आय निवेशक से भरि गेल ये आ दिन पर दिन निवेशक जमघट बढ़ल जाए रहल ये। एकरा लेल हम सभ सुशासन सरकार के आभारी रहब।